नेपालमा पहिलो पटक रोबोटिक शल्यक्रिया सुरु , स्वास्थ्य सेवामा नयाँ युगको सुरुवात।

नयाँ युगको सुरुवात सगै नेपालको स्वास्थ्य क्षेत्रले पनि एउटा ठूलो फड्को मार्दै आएको छ।

नेपालको राजधानी काठमाडौ ललितपुरस्थित रहेको बि एण्ड बि अस्पतालले पहिलो पटक रोबोटिक शल्यक्रिया सुरु गरेको हो।

यस प्रविधिको आगमनसँगै, नेपालमा स्वास्थ्य सेवाको स्तरलाई नयाँ उचाइमा पुर्‍याउने दिशामा यो एउटा महत्वपूर्ण पाइला सावित भएको छ। यो प्रविधि प्रयोग गरेर, कुनै पनि बिरामीको शल्यक्रिया रोबोटले नै सम्पन्न गर्नेछ, जहाँ चिकित्सकले केवल कम्प्युटरस्क्रिनको सहायताले निर्देशन दिनुपर्नेछ। यस प्रकारको शल्यक्रियाले चिकित्सा क्षेत्रमा सुधार मात्र होइन, बिरामीहरूको जीवनमा ठुलो प्रभाव पार्ने अपेक्षा गरिएको छ।

रोबोटिक शल्यक्रियाको प्रविधि रोबोटिक शल्यक्रियामा अत्याधुनिक प्रविधिको प्रयोग गरिन्छ, जसले गर्दा शल्यक्रियाको क्रममा शरीरमा कुनै ठूलो घाउ वा चोटपटक लाग्ने सम्भावना हुदैन। यो विधिमा, डाक्टरहरूले बिरामीको शरीरको भित्री भागमा शल्यक्रिया गर्नको लागि सानो मात्रिका र सटीक उपकरणहरूको प्रयोग गर्ने  गर्छन्, जसलाई एक रोबोटिक प्रणालीद्वारा नियन्त्रण गरिन्छ। चिकित्सकहरूले कम्प्युटरस्क्रिनमार्फत रोबोटलाई निर्देशन दिन्छन्, र रोबोटले उच्च सतर्कता  र कम जोखिमका साथ शल्यक्रिया सम्पन्न गर्छ। रोबोटिक शल्यक्रियाको प्रमुख फाइदा भनेको यसमा चक्कु वा अन्य धारिलो हतियारहरूको प्रयोग नगर्नु हो। यसले गर्दा बिरामीलाई ठूलो चोटपटक लाग्ने जोखिम हुँदैन, र शल्यक्रिया पश्चातको पीडा न्यून रहन्छ। बाहिरी शरीरमा घाउ ,  चिराको  आवश्यक नपर्ने हुँदा बिरामीको शरीरमा कुनै घाउ खत हुदैन र भित्री भागमा गरिएको शल्यक्रियाको घाउ पनि छिट्टै निको हुन्छ। यो विधिले शल्यक्रिया पश्चातको पुनःस्थापना प्रक्रियालाई धेरै सजिलो बनाउँछ, जसले गर्दा बिरामीहरू छिटो निको भएर आफ्नो दैनिकीमा फर्कन सक्छन्।

बि एण्ड बि अस्पतालका प्रमुख र शल्य चिकित्सकहरूले यस नयाँ प्रविधिलाई स्वास्थ्य सेवाको क्षेत्रमा एउटा ठूलो उपलब्धि मानिरहेका छन्। उनीहरूको भनाइमा, यो विधि शल्यक्रियाको सफलतामा मात्र केन्द्रित छैन, बरु बिरामीको सुरक्षामा पनि उत्तिकै ध्यान दिन्छ। परम्परागत चिरा गरेर गरिने शल्यक्रियाको तुलनामा रोबोटिक शल्यक्रियाले कम जटिलता, कम जोखिम, र न्यून दुखाइको आश्वासन दिन्छ। “परम्परागत शल्यक्रियामा हामीले चिरा गरेर बिरामीको भित्री अंगसम्म पुग्नुपर्ने बाध्यता थियो, जसमा बिरामीलाई घाउ खत हुने र शल्यक्रिया पश्चातको पुनःस्थापनामा धेरै समय लाग्ने गर्थ्यो। तर, रोबोटिक शल्यक्रिया विधिले बिरामीलाई यो सबै समस्याबाट मुक्त गराउनेछ,” अस्पतालका एक वरिष्ठ शल्य चिकित्सकले बताए।

नेपालका लागि नयाँ युग नेपालमा रोबोटिक शल्यक्रिया सुरु हुनु भनेको केवल प्रविधिको फड्को मात्र होइन, यो स्वास्थ्य सेवामा सुधारको एउटा महत्वपूर्ण चरण पनि हो। यो विधिको सफल प्रयोगले नेपाललाई आधुनिक स्वास्थ्य सेवाको क्षेत्रमा अग्रणी स्थानमा पुर्‍याउने सम्भावना छ। अब बिरामीहरूलाई जटिल शल्यक्रियाका लागि विदेश जानुपर्ने आवश्यकता कम हुनेछ, जसले गर्दा बिरामीको आर्थिक र शारीरिक भार कम हुनेछ। यसैगरी, यस प्रविधिको आगमनले नेपाली चिकित्सा समुदायमा उत्साह थपेको छ।

डाक्टरहरू र स्वास्थ्य सेवामा संलग्न अन्य पेशेवरहरूले यो प्रविधिलाई सम्हाल्न र यसको प्रभावकारी प्रयोग गर्नका लागि विशेष तालिम प्राप्त गरेका छन्। बि एण्ड बि अस्पतालले यस प्रविधिको सुरुवातसँगै नेपालका अन्य अस्पतालहरूलाई पनि यो प्रविधिलाई अवलम्बन गर्न प्रेरित गर्ने लक्ष्य राखेको छ।