ज्ञानोदय पुस्तकालय: कोहलपुरका विद्यार्थीहरूको अध्ययन थलो बन्दै!
स्थानीय
एभरेष्ट सैनिक स्कुलको ३०औं वार्षिक उत्सव उत्साहका साथ सम्पन्न !

कोहलपुर, बाँके — एभरेष्ट सैनिक स्कुल, कोहलपुरको ३०औं वार्षिकउत्सव भव्य रूपमा सम्पन्न भएको छ।
विद्यालयले तीन दशकको शैक्षिक यात्रालाई विशेष कार्यक्रमसहित उत्सवका रूपमा आजको कार्यक्रम मनाएको हो।
आजको कार्यक्रमका अध्यक्ष कृष्ण प्रसाद भुसालको अध्यक्षतामा प्रमुख अतिथि बाँके क्षेत्र नम्बर १ का संघीय सांसद सूर्य ढकालले पानसमा बत्ति बालेर कार्यक्रमको उद्घाटन गरेका थिए। उद्घाटन सत्रमा बोल्दै प्रमुख अतिथि ढकालले विद्यालयको योगदानप्रति प्रशंसा गर्दै उनले भने, "गुणस्तरीय शिक्षा प्राप्त गर्ने अवसर पाउनु हरेक विद्यार्थीको अधिकार हो। एभरेष्ट सैनिक स्कुलले शिक्षाको माध्यमबाट अनुशासन, नैतिकता र सामाजिक उत्तरदायित्वलाई प्राथमिकता दिएको देख्दा गर्व लाग्छ। यस विद्यालयका विद्यार्थी भविष्यमा राष्ट्रनिर्माणमा महत्वपूर्ण योगदान दिनेछन्।
" विशिष्ट अतिथि कोहलपुर नगरपालिका सामाजिक विकास शाखाका संयोजक ईश्वरीप्रसाद विश्वकर्माले विद्यालयले अनुशासनयुक्त शिक्षाका कारण कोहलपुर क्षेत्रमै अलग पहिचान बनाएको बताए। प्याप्सन बाँकेका प्रमुख सल्लाहकार यामबहादुर राउतले विद्यालयले निजी विद्यालयहरूको गुणस्तर वृद्धिमा योगदान पुर्याएको उल्लेख गरे।
अन्य अतिथिहरूका भनाइ नेपाल शिक्षक महासङ्घ बाँकेका अध्यक्ष ऋषिराज शर्माले शिक्षालाई व्यवस्थित बनाउन शिक्षक, विद्यालय र अभिभावकबीच सहकार्य आवश्यक रहेको बताए। प्याप्सन नगर समितिका उपाध्यक्ष समिर घर्तीले विद्यालयको प्रगतिप्रति खुसी व्यक्त गर्दै गुणस्तर कायम राख्न निरन्तरता दिनुपर्ने बताए।
उत्साहजनक सहभागिता विद्यालयले विविध सांस्कृतिक कार्यक्रम तथा नृत्य प्रतियोगिताको आयोजना गरेको थियो। निर्णायक अमेरिका दितालको नेतृत्वमा सम्पन्न नृत्य प्रतियोगिताले विद्यार्थीहरूमा प्रतिस्पर्धात्मक भावना विकास गराएको थियो। अभिभावक, शिक्षक, विद्यार्थी र स्थानीय पत्रकारहरूको उत्साहजनक सहभागिताले कार्यक्रमलाई थप जीवन्त बनाएको थियो।
समापन विद्यालयका अध्यक्ष कृष्णप्रसाद भुसालले सम्पूर्ण सहभागीप्रति आभार व्यक्त गर्दै विद्यालयलाई अझ समृद्ध बनाउने प्रतिबद्धता व्यक्त गरे। कार्यक्रममा उपस्थित सबैले विद्यालयको आगामी यात्रा अझ उज्ज्वल बनाउने कामना गरेका थिए।
थप समाचार



स्थानीय
राष्ट्रिय
Follow Us
View our latest news on any of these social networks!