हिमालय रोडिजमा छानिएका बाँकेका अर्विन चन्द ठकुरीलाई कोहलपुरमा भब्य स्वागत!

 कोहलपुर, बाँके – बाँकेको कोहलपुर नगरपालिका वडा नम्बर ५ का युवा अर्विन चन्द ठकुरी देशकै चर्चित रियालिटी शो हिमालय रोडिजको सिजन ६ मा छानिएका छन्।

अर्विनले कम उमेरमै बाँके जिल्लालाई राष्ट्रिय स्तरमा चिनाउने अवसर प्राप्त गरेका गर्दै जसका  लागि उनलाई कोहलपुरवासीले भब्य स्वागत गर्दै बधाई दिएका छन्।

कोहलपुर वडा नम्बर ५ का वडा अध्यक्ष दिपेन्द्र श्रेष्ठले यो अवसरमा अर्विनप्रति बधाई व्यक्त गर्दै अर्विनको यो उपलब्धिले सम्पूर्ण वडा र नगरलाई गर्वको अनुभूति दिलाएको बताए। वडा अध्यक्ष श्रेष्ठले अर्विनको सफलतामा खुसी व्यक्त गर्दै भने, “अर्विनको प्रतिभा र मेहनतले आज कोहलपुर मात्र होइन, पुरै बाँके जिल्लाको नामलाई राष्ट्रिय स्तरमा पुर्याएको छ। हामीले उनमा सधैं विश्वास राखेका थियौं, र आज उनले त्यो विश्वासलाई सार्थक बनाएका छन्। यो मात्र उनको व्यक्तिगत सफलता होइन, यो हाम्रो समग्र समुदायको सफलताको प्रतिविम्ब हो। हामी सबैले उनलाई साथ र समर्थन दिनेछौं। रोडिजजस्तो ठूलो प्लेटफर्ममा गएर बाँकेको पहिचान कायम राख्नु आफैंमा साहसी कुरा हो, र अर्विनले यो साहस देखाएका छन्।” उनले थपे, “वडा ५ ले उनीजस्तो साहसी र प्रतिभावान युवालाई भविष्यमा पनि सदैव प्रोत्साहन दिनेछ। हामी उनको आगामी यात्रा सफल रहोस् भन्ने कामना गर्छौं।”

अर्विनले पनि यो उपलब्धिमा वडा अध्यक्ष र नगरवासी सबैप्रति आभार व्यक्त गर्दै भने, “म यो अवसरका लागि निकै उत्साहित र कृतज्ञ छु। कोहलपुर र बाँकेका लागि यो मेरो सानो प्रयास हो, र यसलाई सफल बनाउन मैले सक्दो मेहनत गरेको छु। यो सफलता मेरो लागि मात्र नभएर सम्पूर्ण कोहलपुर र बाँकेको लागि हो। मेरो लक्ष्य अब नेपाललाई अन्तर्राष्ट्रिय स्तरमा चिनाउनमा योगदान पुर्याउनु हो। म आशा गर्दछु कि म रोडिजको यात्रामा सबैको माया र समर्थन पाउनेछु।” उनले आफ्नो यात्रा कठिनाइपूर्ण भए पनि परिवार, साथीभाइ र समाजको सहयोगले आफूलाई साहस मिलेको बताए। “रोडिजको अडिसनको प्रक्रिया चुनौतीपूर्ण थियो, तर मेरो सपना र यो क्षेत्रलाई प्रतिनिधित्व गर्ने जिम्मेवारीले मलाई प्रेरित गर्‍यो। म कोहलपुरको यो माटोबाट आएको हुँ, र म यो पहिचानलाई जहाँ पुगे पनि कहिल्यै बिर्सदिनँ।”

अर्विनका आमा र बुबाले पनि यो क्षणमा आफ्नो भावनालाई व्यक्त गर्दै गर्वको अनुभूति गरेको बताए। अर्विनकी आमाले हर्षित हुँदै भनिन्, “मेरो छोराले हाम्रो क्षेत्रलाई यस्तो ठूलो स्थानमा पुर्याउन सफल भएकोमा गर्व लागिरहेको छ। ऊ सानैदेखि मेहनती र साहसी थियो, र आज उसले त्यो देखायो। हामीसँग थोरै साधन थिए तर उसले मेहनत र प्रतिबद्धताको उदाहरण प्रस्तुत गरेको छ। आज हामी सबै धेरै खुसी छौं र हाम्रो आशीर्वाद सधैं उसकै साथ हुनेछ।”

उनका बुबाले छोराको यात्रा सरल नभएको बताउँदै भने, “अर्विनको सपना ठुलो थियो, र हामीले सकेको सहयोग गर्‍यौं। ऊ जहिल्यै नयाँ कुरा गर्न उत्साहित थियो, र उसको यो जोशले नै आज उसलाई यहाँसम्म पुर्याएको छ। उसले यो सफलता प्राप्त गरेर हामीलाई गौरवान्वित बनाएको छ। म आशा गर्छु, ऊ सफल भएर नेपाल र नेपालीलाई गर्व गर्ने मौका दिनेछ।”

कोहलपुरवासी लगायत कोहलपुर ५ ले पनि अर्विनलाई बधाई र आगामी सफलताको शुभकामना दिँदै उनको प्रतिभा र संघर्षप्रति गर्व व्यक्त गरेका छन्। अर्विनको यो यात्रा मात्र उनको लागि नभएर समग्र समुदायको प्रेरणादायक कथा बन्ने अपेक्षा गरिएको छ।